Pura Samachar
  • इन्स्टाग्राममा आलियाका घटे ९ लाख फलोअर्स

    प्रकाशित: ३ महिना पहिले

    इन्स्टाग्राममा आलियाका घटे ९ लाख फलोअर्स

    बलिउड नायक सुशान्त सिंह राजपुतको निधनसँगै ‘परिवारवाद’को मुद्दा चर्किएको छ । योसँगै बलिउडमा ‘परिवारवाद’को पछि लाग्ने र राम्रा कलाकारलाई अवसर नदिने भन्दै केही निर्माता र कलाकारलाई दर्शकले बहिष्कारको चुनौती समेत दिन थालेका छन् ।

    ‘परिवारवाद’ भएको भन्दै जारी विरोध शैली सामाजिक संजालमा सबैभन्दा बढी देखिएको छ । यो मुद्दामा नायिका आलिया भट्टको सबैभन्दा धेरै आलोचना भैरहेको छ ।

    सामाजिक संजाल इन्स्टाग्राममा आलियालाई अनफलो गर्नेको लहर नै चलेको छ । आलियाको इन्स्टाग्राममा ४ करोड ८९ लाखको हारहारीमा फलोअर्स थिए । तर, सुशान्तको निधन भएसँगै उनको फलोअर्स अहिले ४ करोड ८० लाख पुगेका छन् । उनलाई इन्स्टाग्राममा अलफलो गर्ने लहर नै चलेको छ ।

    आलियाले सुशान्तलाई अन्तिम श्रद्धाञ्जली दिदै पोष्ट गरेको एक तस्वीरमा ३ लाख ७३ हजार भन्दा बढी प्रतिक्रिया आएको छ । जहाँ, उनलाई गाली गर्नेको संख्या धेरै छ ।

    अधिकांशले बलिउडमा ‘परिवारवाद’लाई महत्व दिएको भन्दै आलियाको चर्को आलोचना गरेका छन् । आलियाले कैयौ प्रतिक्रियाहरु हटाएकी छिन् ।

    प्रतिक्रिया