१८ साउन २०७८

काठमाडौं । डा. जागेश्वर गौतमलाई कोभिड युनिफाइड केन्द्रीय अस्पताल (वीर)को प्रमुख प्रशासकीय अधिकारीबाट हटाइएको छ ।

स्वास्थ्य तथा जनसंख्या मन्त्रालयले सोमबार राज्यमन्त्रिस्तरीय निर्णय गर्दै डा. गौतमलाई हटाएको हो ।

गत जेठ १० गते प्रमुख प्रशासकीय अधिकारीमा नियुक्त गरिएका गौतमलाई प्रसुती तथा स्त्री रोग अस्पतालमा सरुवा गर्ने निर्णय पनि मन्त्रालयले गरेको छ ।

वीर अस्पतालको प्रमुखको रुपमा डा. रुद्र मरासिनलिाई नियुक्त गर्ने तयारी भइरहेको पनि मन्त्रालय स्रोतले जनाएको छ ।

डा. गौतमविरुद्ध उपकरण खरिदमा सेटिङ गरेको, कर्मचारीलाई अख्तियारमा सेटिङ छ भन्दै धम्क्याउने गरेको लगायतका आरोपमा वीरका कर्मचारी आन्दोलनमा उत्रिएका थिए ।