साउन १८, २०७८

काठमाडौं। सत्तारुढ गठबन्धनका शीर्ष नेताहरूको बैठक बालुवाटारमा सुरु भएको छ। मन्त्रिपरिषद् विस्तारमा ढिलाइ भइरहेको बेला प्रधानमन्त्री शेरबहादुर देउवासहित माओवादी केन्द्रका अध्यक्ष प्रचण्ड र जसपाका अध्यक्ष उपेन्द्र यादव छलफलमा जुटेका हुन्। नेताहरुबीच मन्त्रिपरिषद् विस्तार र सरकारको न्यूनतम साझा कार्यक्रमका विषयमा छलफल भइरहेको प्रचण्डको सचिवालयले जनाएको छ। आजै बसेको सत्तारुढ गठबन्धनको बैठकले सरकार सञ्चालनका सन्दर्भमा तीन वटा विषयमा डकुमेन्ट ड्राफ्ट गरेको थियो।