नेपालमा अहिलेसम्म कोरोनाको एक करोड डोज खोप लगाइएको छ।

स्वास्थ्य सेवा विभाग अन्तर्गतको खोप शाखाका अनुसार हिजो (मंगलबार) साँझसम्म एक करोड ९२ हजार १ सय ६४ डोज खोप मानिसहरूमा लगाइएको पाइएको हो।

खोप शाखाका प्रमुख डा. झलक गौतमले हालसम्म नेपालमा एक करोड ३३ लाख डोज खोप आएको जानकारी दिए। जसमध्ये एक करोड मात्रा लगाइसकिएको र बाँकी रहेको ३३ लाख मात्रा अहिले देशका विभिन्न ठाउँमा लगाइराखिएको छ।

यसबाहेक सरकारले खरिद गर्ने भनिएको थप खोपहरू कहिले आउँछ भन्ने टुंगो छैन। जसले गर्दा दसैंअगावै ३३ प्रतिशत मानिसलाई खोप लगाउने सरकारको कार्यक्रम प्रभावित हुने देखिएको छ।