Pura Samachar
  • टी-२० विश्वकपमा आज दुई खेल

    प्रकाशित: कार्तिक १२, २०७८

    टी-२० विश्वकपमा आज दुई खेल

    दुबई– आईसीसी टी-२० विश्वकप क्रिकेटमा आज शुक्रवार दुई खेल हुँदैछ ।

    शुक्रबार शारजाहमा हुने पहिलो खेलमा वेस्ट इन्डिज र बंगलादेशबीच प्रतिस्पर्धा हुनेछ ।

    यो खेल दिउँसो ३:४५ बजेदेखि प्रारुम्भ हुनेछ ।

    साविक विजेता वेस्ट इन्डिज र बंगलादेश आज पहिलो जितको खोजीमा हुने छन् ।

    दुबै टोलीले अघिल्ला दुई खेल गुमाएका थिए ।

    त्यस्तै, दोस्रो खेलमा पाकिस्तान र अफगानिस्तानबीच प्रतिस्पर्धा हुनेछ ।

    पाकिस्तान र अफगानिस्तानबीचको खेल राति ७:४५ बजेदेखि प्रारम्भ हुनेछ ।

    आज पाकिस्तान लगातार तेस्रो जितको खोजीमा हुनेछ । पाकिस्तानले अघिल्ला दुई खेलमा जित निकालेको थियो ।

    पाकिस्तान दुई खेलमा ४ अंक जोडेर समूह २ को शीर्ष स्थानमा छ ।

    अफगानिस्तान भने दोस्रो जितको खोजीमा हुनेछ ।

    अफगानिस्तान एक खेलमा २ अंक जोडेर दोस्रो स्थानमा छ ।

    सुपर(१२ को समूह(१ मा इङ्ल्याण्ड दुई खेलमा दुई जितका साथ ४ अंक जोड्दै शीर्षस्थानमा छ ।

    अष्ट्रेलियाको दुई खेलमा समान ४ अंक भए पनि नेट रनरेटका आधारमा दोस्रो स्थानमा छ ।

    समूह बी मा पाकिस्तान दुई खेलमा दुई जितका साथ शीर्षस्थानमा छ ।

    अफगानिस्तान एक खेलमा एक जितका साथ दोस्रो स्थानमा छ ।

    नामिबिया एक खेलमा २ अंकका साथ तेस्रो स्थानमा छ ।

    अंकविहीन न्युजिल्यान्ड चौथो, भारत पाँचौं र स्कटल्यान्ड पुछारमा छन् ।

    प्रतिक्रिया