ललितपुर । ललितपुरको मंगलबजारको एउटा घरमा शुक्रबार राति आगलागी हुँदा चार जनाको मृत्यु भएको छ।

शुक्रबार ६ बजेर ४५ मिनेटमा ललितपुर महानगरपालिका–१२ स्थित मंगलबजार चक्रबहिको एउटा घरमा आगलागी भएको महानगरीय प्रहरी परिसर ललितपुरका प्रहरी उपरीक्षक प्रज्वल महर्जनले जानकारी दिनुभयो ।

साढे तीन तलाको पुरानो घरमा अचानक भएको आगलागी चार जनाको ज्यान गएको महर्जनले बताउनुभयो ।

लक्ष्मीकृष्ण ताम्राकारको घरमा आगलागी भएको हो। मृत्यु हुनेमा ६८ वर्षीय लक्ष्मीकृष्ण, उनकी छोरी अन्जना, बुहारी रत्ना र नाति रहेको मंगलबजार प्रहरी प्रभागले जनाएको छ। नातिको परिचय खुलेको छैन। छोरा निरज ताम्राकार र सिर्जना ताम्राकार घाइते छन्। सिर्जनाको अवस्था गम्भीर छ।

अरू घरकै आफन्तहरू रहेको तर उनीहरूको पहिचान खुलिसकेको छैन।

आगलागीको कारण खुलिसकेको छैन। घाइतेहरुलाई उपचारका लागि पाटन अस्पताल पठाइएको प्रहरीले जनाएको छ।