फिफा विश्वकप २०२२ कतार अन्तर्गत दक्षिण अमेरिकन छनोटमा ब्राजिल लगातार छैटौं खेलमा विजयी भएको छ।
invotech
ब्राजिलले बुधबार विहान सकिएको खेलमा पाराग्वेमाथि २-० गोलको जित निकालेको हो।
ब्राजिलको जितमा नेइमार र लुकास पाक्युटाले १-१ गोल गरे।
नेइमारले खेलको चौथो मिनेटमै गोल गरेका थिए।
नेइमारलाई गोल गर्न गाब्रियल जेससले पास उपलब्ध गराएका थिए।
ब्राजिलले दोस्रो हाफको इन्जुरी टाइमको तेस्रो मिनेटमा अग्रता दोब्बर पारेको थियो।
पाक्युटाले नेइमारले उपलब्ध गराएको पासमा टिमका लागि दोस्रो गोल गरेका थिए।
अंक तालिकाको शीर्ष स्थानमा रहेको ब्राजिलले जितसँगै १८ अंक जोडेको छ। दोस्रो स्थानको अर्जेन्टिनाको १२ अंक छ।
प्रतिक्रिया