लण्डन– भारतले इङ्ल्याण्डलाई टेस्ट सीरीजको चौथो खेलमा १ सय ५७ रनले हराएको छ ।
द ओभलमा खेलिएको यो प्रतिस्पर्धामा टीम इन्डियाले इङ्ल्याण्डलाई ३ सय ६८ रनको लक्ष्य दिएको थियो ।
इङ्लिस टीम २ सय १० रनमै समेटियो ।
यो जीतपछि भारतले ५ खेलको सीरीजमा २–१ का अग्रता हासिल गरेको छ ।
भारतीय टीमले ओभलमा टेस्ट खेल जित्नका लागि ५० वर्षको लामो प्रतिक्षा गर्नु पर्यो ।
यसअघि भारतले सन् १९७१ मा अजीत वाडेकरको कप्तानमिा ओभलटेस्ट जितेको थियो ।
अहिलेको प्रतियोगितामा इङ्ल्याण्डले टस जितेर पहिला भारतलाई ब्याटिङ गर्ने निम्तो दिएको थियो ।
इङ्ल्याण्डका बलरहरुले आफ्ना कप्तान जो रुटको निर्णयलाई सही सावित गर्दै टीम इन्डियालाई १ सय ९१ रनमा आउट गरिदिए ।
क्रिस वोक्सले सबैभन्दा बढी चार विकेट लिएका थिए ।
टीम इन्डियाका शार्दुल ठाकुरले सबैभन्दा बढी ५७ रन बनाएका थिए ।
कप्तान विराट कोहलीले ५० रन बनाएका थिए ।
इङ्ल्याण्डको ब्याटिङको थालनी खराब रह्यो ।
जसप्रीत बुमराहले ६ रनको स्कोरमा इङ्ल्याण्डठका ओपनरहरु रोरी बन्र्स र हसीब हमीलाई आउट गरेका थिए ।
इङ्ल्याण्डको इनिङ २ सय ९० रनमा समेटियो ।
इङ्ल्याण्डले पहिलो इनिङको आधारमा ९९ रनको अग्रता लियो ।
भारतका तर्फबाट उमेश यादवले ३, जसप्रीत बुमराह र रवीन्द्र जडेजा २–२ विकेट लिए ।
९९ रनले पछाडि परेको भारतले दोस्रो इनिङमा राम्रो सुरुवात गर्यो ।
ओपनर केएल राहुल र रोहित शर्माले पहिलो विकेटका लागि ८३ रनको साझेदारी गरे ।
राहुल आउट भएपछि रोहित शर्माले चेतेश्वर पुजारासंग दोस्रो विकेटका लागि शतकीय साझेदारी गरे ।
प्रतिक्रिया