Pura Samachar
  • कोरोनाबाट अमेरिकामा डेढ लाखको मृत्यु, ब्राजिलमा मृत्यु हुनेको संख्या ९० हजार पुग्यो

    प्रकाशित: २ हप्ता पहिले

    कोरोनाबाट अमेरिकामा डेढ लाखको मृत्यु, ब्राजिलमा मृत्यु हुनेको संख्या ९० हजार पुग्यो

    वाशिङटन । महामारीका रुपमा फैलिएको कोरोना भाइरसको संक्रमणबाट अमेरिकामा मृत्यु हुनेको संख्या डेढ लाख नाघेको छ ।

    समाचार एजेन्सी एएफपीले अमेरिकामा कोरोनाबाट मृत्यु हुनेको संख्या एक लाख ५० हजार नाघेको जनाएको छ ।

    जोन्स हाप्किन्स युनिभर्सिटीअनुसार अमेरिकामा कुल संक्रमितको संख्या ४४.०१ लाख पुगेको छ । जसमध्ये अहिलेसम्म एक लाख ५० हजार ४४७ को मृत्यु भइसकेको छ ।

    यस्तै ब्राजिलमा पनि कोरोना संक्रमण तीब्र रुपमा बढिरहेको छ । बुधवारसम्म ब्राजिलमा कोरोनाबाट मृत्यु हुनेको संख्या ९० हजार नाघेको छ ।

    ब्राजिलमा संक्रमितको संख्या २४.८३ लाख भन्दा बढी पुगेको छ । ब्राजिलमा अहिलेसम्म ९० हजार १३४ जनाको मृत्यस भइसकेको छ ।

    –बीबीसीबाट

    प्रतिक्रिया