Pura Samachar
  • अमेरिकामा थप १ लाख ६२ हजारमा संक्रमण

    प्रकाशित: २ हप्ता पहिले

    अमेरिकामा थप १ लाख ६२ हजारमा संक्रमण

    काठमाडौँ- अमेरिकामा कोरोना भाइरसको संक्रमण झन् झन् बढ्दै गएको छ ।

    त्यहाँ १५ दिनयता दैनिक एक लाखभन्दा बढीमा संक्रमण देखिने क्रम अझै रोकिएको छैन ।

    शनिबार अहिलेसम्मकै धेरै १ लाख ८३ हजार ५२७ जनामा संक्रमण देखिएको अमेरिकामा आज मंगलबार पनि १ लाख ६२ हजार १४९ संक्रमित थपिएका छन् ।

    योसँगै अमेरिकामा कोरोना संक्रमित संख्या १ करोड १५ लाख ३८ हजार ५७ पुगेको छ । संक्रमितमध्ये अहिलेसम्म ७० लाख १९ हजार ३०४ जना संक्रमणमुक्त भएका छन् ।

    उपचार गराइरहेका ४२ लाख ६६ हजार १०२ जनामध्ये २१ हजार १८४ जनाको अवस्था गम्भीर रहेको वर्ल्डोमिटर्सले जनाएको छ ।

    यस्तै कोरोना भाइरसको संक्रमणले मृत्यु हुनेको संख्या २ लाख ५२ हजार नाघेको छ ।

    तथ्याङ्क अद्यावधिक गरिरहेको साइट वर्ल्डोमिटर्सका अनुसार पछिल्लो २४ घण्टामा थप ७३९ जनाको मृत्यु भएसँगै अमेरिकामा कोरोनाले ज्यान गुमाउनेको संख्या २ लाख ५२ हजार ६५१ पुगेको छ ।

    प्रतिक्रिया