Pura Samachar
  • चुनावको ‘धाँधली’ अस्वीकार गर्ने निर्वाचन सुरक्षा अधिकारीलाई ट्रम्पले गरे बर्खास्त

    प्रकाशित: २ हप्ता पहिले

    चुनावको ‘धाँधली’ अस्वीकार गर्ने निर्वाचन सुरक्षा अधिकारीलाई ट्रम्पले गरे बर्खास्त

    एजेन्सी- अमेरिकी राष्ट्रपति चुनावमा धाँधली भएको भन्ने ट्रम्पको आरोपलाई अस्वीकार गरेका निर्वाचन सुरक्षा अधिकारी बर्खास्त भएका छन् ।

    डिपार्टमेन्ट अफ होमल्याण्ड सेक्युरिटीका अधिकारीलाई ट्रम्पले बर्खास्त गरेका हुन् ।

    ट्रम्पले ट्वीट गर्दै साइबर सेक्युरिटी एण्ड इन्फ्राइस्टक्चर सेक्युरिटी एजेन्सीका निर्देशक क्रिस क्रेब्सलाई बर्खास्त गरेको जानकारी दिएका हुन् ।

    क्रिसले हालै वक्तव्य जारी गरेर नोभेम्बर ३ मा भएको चुनावमा कुनै पनि प्रकारको धाँधली भएको प्रमाण नरहेको बताएका थिए ।

    उनले वक्तव्य नै जारी गरी धाँधली नभएको बताएलगत्तै ट्रम्पले बर्खास्त गरेका हुन् ।

    क्रिसले जारी गरेको सो वक्तव्य सरासर झुट रहेको आरोप ट्रम्पले बताएका छन् ।

    नोभेम्बर ३ मा भएको राष्ट्रपतीय निर्वाचनमा पराजित हुँदा पनि ट्रम्पले हार स्वीकारेका छैनन् । उनले धाँधली भएको बताउँदै आएका छन् । तर, प्रमाण दिन सकेका छैनन् ।

    निर्वाचित हुन २७० इलेक्टोरल कलेज मत चाहिनेमा जो बाइडेनले ३०६ मत पाएर बिजयी भइसकेका छन् ।

    प्रतिक्रिया