Pura Samachar
  • प्रधानमन्त्री कप क्रिकेट : आर्मीले बागमतीलाई दियो २३० रनको विजयी लक्ष्य

    प्रकाशित: ३ महिना पहिले
    पूरा समाचार

    प्रधानमन्त्री कप क्रिकेट : आर्मीले बागमतीलाई दियो २३० रनको विजयी लक्ष्य

    काठमाडौँ– राजेश पुलामी मगरको अर्धशतकीय इनिङ्समा त्रिभुवन आर्मी क्लबले बागमती प्रदेशलाई २ सय ३० रनको लक्ष्य प्रस्तुत गरेको छ ।

    कीर्तिपुरस्थित त्रिभुवन विश्वविद्यालय क्रिकेट मैदानमा प्रधानमन्त्री कप राष्ट्रिय प्रतियोगितामा टस हारेर पहिलो ब्याटिङ गरेको आर्मीले पूरा खेल खेल्दै १० विकेट गुमाएर २२९ रन बनाएको हो ।

    विभागीय टोलीविरुद्ध शुरुवाती बलिङमा आक्रामक देखिएका गौतम केसीले आर्मीको ब्याटिङ कमजोर पारे । उनले शीर्ष ब्याट्सम्यान हरि चौहान, अनिल मण्डल र रोहित कुमार पौडेललाई पवेलियन फर्काएका थिए । गौतमले उत्कृष्ट बलिङ गर्दा आर्मी १७ रनमा ३ विकेट गुमाइसकेको थियो ।

    तर, चौथो विकेटका लागि भने आर्मीका भिम सार्की र लोकेश बमले ५६ रनको साझेदारी गरे । उनीहरुको साझेदारी बागमतीका नन्दन यादवले तोडे ।

    जसमा लोकेशले २३ रन बनाए । ४० रन बनाएर खेलिरहेका भिमलाई तिलक भण्डारीले पवेलियन फर्काए । उनले ५ चौका र १ छक्का प्रहार गरे ।

    लोकेश आउट भएपछि मैदान छिरेका राजेश पुलामी मगरले आर्मीको ब्याटिङ इनिङ्स सम्हाले । उनले आठौं विकेटका रुपमा मैदान प्रवेश गरेका विक्रम शोवसँग राम्रो साझेदारी गरे ।

    उनीहरुबीच ९२ रनको साझेदारी भएको थियो । जसमा ३५ रनमा खेलिरहेका बिक्रमलाई रामनरेश गिरीले विकेटकिपर आकास थापामार्फत् क्याच गराए ।

    अविजित रहेका राजेशले ९१ बलको सामना गर्दै ४ छक्का र २ चौकाको मद्दतमा ६५ रन बनाए । यस्तै, सुशान भारीले १६ रन, कप्तान विनोद भण्डारीले १० रन बनाए । बागमतीका खेलाडीले आर्मीका लागि ३५ उपहार रन दियो । जसले आर्मीलाई सहज अवस्थामा पुर्‍याउन मद्दत गर्‍यो ।

    टस जितेर पहिल फिल्डिङ रोजेको बागमतीका लागि बलरहरू सुरुआतमा सफल भए पनि पछि केही नर्भस भए । जसमा उनीहरुले ३५ रन एक्स्ट्रा खर्च गरे ।

    बागमतीका लागि गौतम केसीले ५ विकेट लिए । उनले १० ओभर बलिङ गर्दै १ मेडन ओभरसहित ६१ रन खर्चेर ५ विकेट लिए ।

    आर्मीविरुद्ध बागमतीका लागि रामनरेश गिरी, नन्दन यादव, तिलक भण्डारी र विपिन आचार्यले समान एक–एक विकेट लिए ।

    लक्ष्य पूरा गर्न सके प्रधानमन्त्री कप राष्ट्रिय प्रतियोगितामा बागतमी फाइनल पुग्ने पहिलो प्रादेशीक टोली बन्नेछ ।

    प्रतिक्रिया