Pura Samachar
  • डिसहोमले करिब २४ लाख कित्ता बराबरको आईपीओ जारी गर्दै, धितोपत्र बोर्डले दियो अनुमति

    प्रकाशित: २ हप्ता पहिले

    डिसहोमले करिब २४ लाख कित्ता बराबरको आईपीओ जारी गर्दै, धितोपत्र बोर्डले दियो अनुमति

    डिसहोमले सर्वसाधारणका लागि साधारण शेयर आईपीओ जारी गर्ने तयारी गरेको छ।

    गत वर्ष असार २७ गते डिसहोमले २३ लाख ८५ हजार ९ सय २९ कित्ता सर्वसाधारणका लागि शेयर जारी गर्न धितोपत्र बोर्डसँग अनुमति मागेको थियो। धितोपत्र बोर्डले अनुमति दिएसँगै डिमहोमले छिट्टै नै आईपीओ जारी गर्ने तयारीमा रहेको  जनाएको छ।

    ५८ एचडी र १४९ एसडी च्यानल गरी २०७ टेलिभिजन च्यानल डिस होमले ग्राहकलाई वितरण गर्दै आएको छ। यसका साथै कम्पनीले ७० वटा प्रिमियम च्यानल र १६ वटा आफ्नै च्यानलसमेत प्रशारण गर्दै आएको छ।

    ११ लाख ग्राहक रहेको डिसहोमले ग्रामिणस्तरसम्म स्याटेलाइटमार्फत् इन्टरनेट पुर्‍याउने तयारीसमेत अगाडि बढाएको छ।

    २०१८ मा ३ अर्ब ९५ करोड, २०१९ मा ४ अर्ब २५ करोड र गत वर्ष ५ अर्ब १३ करोड रुपैयाँ आम्दानी गरेको कम्पनीले पछिल्ला तीन वर्षमा औषत ३० प्रतिशतका दरले आम्दानी वृद्धि गरेको छ ।

    कम्पनीको पुँजीगत संरचनातर्फ ४७ प्रतिशत हङकङको स्यान्डमाार्टिन इन्टरनेशनल होल्डिङ कम्पनी र बाँकी ५३ प्रतिशत नेपाली लगानीकर्ताको हिस्सामा छ।

    प्रतिक्रिया