काठमाडौं– यूरो कप–२०२० को तयारीका लागि विभिन्न टोलीहरुले अन्तर्राष्ट्रिय मैत्रीपूर्ण खेल खेलिरहेका छन् ।
यूरो कप-२०२०, ११ जुनदेखि ११ जुलाईसम्म यूरोपका ११ शहरमा आयोजना हुँदैछ ।
यसेबीच, पछिल्लो अन्तराष्ट्रिय मैत्रीपूर्ण खेलमा बेल्जियमले ग्रीससँग बराबरी खेलेको छ ।
यूरो कप फुटबलको तयारीका लागि दुबै टोलीले मैत्रीपूर्ण खेल खेलेका हुन् ।
बिहीबार राति भएको खेलमा बेल्जियमले ग्रीससँग १–१ गोलको बराबरी खेलेको हो ।
खेलको २० औं मिनेटमा थोर्गन हाजार्डले गोल गर्दै बेल्जियमलाई अग्रता दिलाएका थिए ।
तर, खेलको ६६ औं मिनेटमा जर्ज तजावेलासले गोल गर्दै ग्रीसलाई हारबाट जोगाए ।
प्रतिक्रिया