पहिलो हाफ गोलरहित बराबरी खेले पनि नेदरल्यान्ड्सले बल पोसेसनमा हैकम जमाएको थियो। तर दोस्रो हाफको ५२औं मिनेटमा डच सेन्टर ब्याक म्याथिस डे लाइटले रातो कार्ड प्राप्त गर्दै मैदान बाहिरिए।

त्यसपछि खेलमा चेकले दुई गोल गर्न सफल भयो। खेलको ६८औं मिनेटमा रक्षक टोमस कलसको पासमा टोमस होलेसले गोल गर्दा चेकले खेलमा अग्रता लिन सफल भएको थियो। चेकले खेलको ८०औं मिनेटमा आफ्नो अग्रता दोब्बर बनायो। यसपाली टोमस होलेसको पासमा स्ट्राइकर प्याट्रिक शिकले गोल गर्दै चेक गणतन्त्रको अग्रता दोब्बर बना

निर्धारित ९० मिनेटको खेलसम्म अरु कुनै गोल हुन नसक्दा चेक गणतन्त्रले नेदरल्यान्ड्सको युरो कप २०२० यात्रा अन्त्य गरेको हो। चेक गणतन्त्रले अब क्वार्टर फाइनलको खेलमा डेनमार्कसँग प्रतिस्पर्धा गर्नेछ।